ஜூன் 17ல் என்ஜீனியரிங் கவுன்சிலிங்

சென்னை: பொறியியல் படிப்பிற்கான கலந்தாய்வு தேதி ஜூன் 17முதல் தொடங்குகிறது. முதலில் விளையாட்டு பிரிவினருக்கு ஜுன் 17 முதல் ஜூன் 19 வரை கலந்தாய்வு நடைபெறும், மாற்றுத்திறனாளிகளுக்கான கலந்தாய்வு ஜூன் 20-ம் தேதி நடைபெறும் என தெரிவிக்கப்பட்டுள்ளது. என்ஜீனியரிங் எனப்படும் பொறியியல் படிப்பிற்கான விண்ணப்ப மனுக்கள் தற்போது வழங்கப்பட்டு வருகிறது. வரும் 20-ம் தேதி கடைசி நாளாகும். சி.பி.எஸ்.இ மாணவர்கள் மே 30-ம் தேதிக்குள் மதிப்பெண் பட்டியல் தர வேண்டும். மறுகூட்டல், மறுமதிப்பீடு அடிப்படையில் தரவரிசைப் பட்டியல் ஜுன் 12-ல் வெளியிடப்படும் எனவும், ஆகஸ்ட் 1-ம் தேதி முதல் பொறியியல் வகுப்புகள் தொடங்கும் எனவும், எனவும் தெரிவிக்கப்பட்டுள்ளது. இந்த ஆண்டு 11 சுயநிதி பொறியியல் கல்லூரிகளுக்கு ஏ.ஐ.சி.டி.இ அங்கீகாரம் கிடைத்துள்ளது. திருச்சி ஸ்ரீரங்கம் அரசு பொறியியல் கல்லூரி புதிதாக உறுப்பு கல்லூரியாக வாய்ப்பு இருப்பதாகவும் தெரிவிக்கப்பட்டுள்ளது என்று அண்ணா பல்கலைக்கழக துணைவேந்தர் (பொறுப்பு) காளிராஜ் தெரிவித்துள்ளனர்.

 

நன்றி:thatstamil 

BSNL நிறுவனத்தில் டெக்னிக்கல் அசிஸ்டெண்ட் வேலை!

தமிழ்நாட்டில் பிஎஸ்என்எல் நிறுவனத்தில் டெலிக்காம் டெக்னிக்கல் அசிஸ்டெண்ட் பணியில் சேர விரும்பும் டிப்ளமோ படித்த மாணவர்கள் விண்ணப்பிக்க வேண்டிய நேரம் இது.

பாரத் சஞ்சார் நிகம் லிமிட்டெட் (பிஎஸ்என்எல்) நிறுவனத்தின் தமிழ்நாடு வட்டத்தில் டெலிகாம் டெக்னிக்கல் அசிஸ்டெண்ட் (TTA) பணியிடங்களை நிரப்ப வருகிற ஜூன் 30-ஆம் தேதி போட்டித் தேர்வு நடத்தப்படுகிறது. குன்னூர், கோவை, கடலூர், தர்மபுரி, ஈரோடு, காரைக்குடி, கும்பகோணம், மதுரை, நாகர்கோவில், புதுச்சேரி, சேலம், தஞ்சாவூர், திருநெல்வேலி, திருச்சி, தூத்துக்குடி, வேலூர், விருதுநகர் ஆகிய இடங்களில் உள்ள செகண்டரி சுவிட்சிங் ஏரியா பிரிவில் காலியாக உள்ள டெக்னிக்கல் அசிஸ்டெண்ட் பணியிடங்களை நிரப்ப இந்தத் தேர்வு நடத்தப்படுகிறது.

டெலிகம்யூனிக்கேஷன் என்ஜினீயரிங், எலெக்ட்ரானிக்ஸ் என்ஜினீயரிங், எலெக்ட்ரிக்கல் என்ஜினீயரிங், ரேடியோ என்ஜினீயரிங், கம்ப்யூட்டர் என்ஜினீயரிங், இன்பர்மேஷன் டெக்னாலஜி, இன்ஸ்ட்ருமெண்ட்ஸ் டெக்னாலஜி ஆகிய பாடப் பிரிவுகளில் டிப்ளமோ படித்த மாணவர்கள் இந்தப் பணிகளில் சேர விண்ணப்பிக்கலாம். எம்எஸ்சி எலெக்ட்ரானிக்ஸ் படித்தவர்களும் இந்தப் பணியில் சேர அனுமதிக்கப்படுவார்கள்.

வயது வரம்பு இந்த ஆண்டு ஜூலை 13-ஆம் தேதியன்று, 18-வயதிலிருந்து 27 வயதுக்குள் இருக்க வேண்டும். தாழ்த்தப்பட்டோர், பழங்குடியினருக்கு வயது வரம்பில் ஐந்து ஆண்டுகளும் ஓபிசி பிரிவினருக்கு வயது வரம்பில் மூன்று ஆண்டுகளும் விலக்கு அளிக்கப்படும். பிஎஸ்என்எல் ஊழியர்களாக இருப்பவர்கள், பொதுப் பிரிவைச் சேர்ந்தவர்களாக இருந்தால் 40 வயது வரை இருக்கலாம். ஓபிசி பிரிவைச் சேர்ந்த பிஎஸ்என்எல் ஊழியர்களுக்கு 43 வயது என்றும் தாழ்த்தப்பட்ட, பழங்குடியினருக்கு 45 வயது என்றும் சலுகை அளிக்கப்பட்டுள்ளது.

எஸ்.எஸ்.எல்.சி. கணித வினாக்கள் கடினம்: மாணவர்களுக்கு 10 மார்க் போனஸ்

சென்னை: 10ம் வகுப்பு கணித தேர்வில் கடினமாக வினாக்கள் கேட்கப்பட்டதாக எழுந்த குற்றச்சாட்டையடுத்து மாணவர்களுக்கு 10 மதிப்பெண்கள் கூடுதலாக வழங்க அரசு தேர்வுகள் இயக்ககம் முடிவு செய்துள்ளது. 

தமிழகத்தில் கடந்த 5ம் தேதி பத்தாம் வகுப்பு மாணவர்கள் கணித தேர்வு எழுதினர். தேர்வில் ப்ளூ பிரிண்ட்டுக்கு மாறாக வினாத்தாள் இருந்ததால் அதைப் பார்த்து மாணவர்கள் அதிர்ச்சி அடைந்தனர். 5 மதிப்பெண்களுக்கான மேட்ரிக்ஸில் வழக்கமாக ஒரு வினா கோட்கப்படும். ஆனால் இம்முறை 2 வினாக்கள் கேட்கப்பட்டன. மேலும் அல்ஜீப்ராவில் வழக்கமாக கேட்கப்படும் 3 வினாக்களுக்கு பதில் 2 வினாக்கள் மட்டுமே கேட்கப்பட்டன. இது தவிர 5 மதிப்பெண்கள் பிரிவில் 2 வினாக்கள் கடினமாக இருந்ததால் அவற்றுக்கு விடை எழுத கூடுதல் நேரம் தேவைப்பட்டது. இதனால் கிராமப்புற மாணவர்களுக்கு பெரும் பாதிப்பு ஏற்படும் என்ற குற்றச்சாட்டு எழுந்தது. 

சென்னை மெட்ரோ ரெயில் பணியில் முஸ்லிம்களுக்கு வேலை வாய்ப்பு

மத்திய மாநில அரசுடன் இணைந்து செயல்படும் சென்னை மெட்ரோ ரெயில் நிறுவணம் பல்வேறு துறைகளுக்கு ஆட்களை பணியில் சேர்க்க உள்ளது. இது குறித்து சென்னை மெட்ரோ ரெயில் நிறுவனம் விளம்பரம் வெளியிட்டுள்ளது.
இதற்கு ஆன்லைன் பதிவு 19-1-2013 லிருந்து துவங்குகின்றது.
 chennaimetrorail.gov.in என்ற இணையதள முகவரில் விருப்பம் உள்ளவர்கள் வேலைக்கு விண்ணப்பிக்கலாம். விண்ணப்பிப்பதற்கு கடைசி நாள் 20-2-2013.
இது குறித்து முழு விபரம் அறிய Click Here to download Advt PDF

நன்றி : tntj.net

குரூப்-1 தேர்வு: விண்ணப்பிக்க கால அவகாசம் நீட்டிப்பு

சென்னை :  குரூப்-1 தேர்வுக்கு விண்ணப்பிப்பதற்கான காலக்கெடுவை, ஜனவரி 7ம் தேதி வரை நீட்டிப்பு செய்து, டி.என்.பி.எஸ்.சி., அறிவித்துள்ளது.
தேர்வுக் கட்டணத்தை, 9ம் தேதி வரை செலுத்தலாம் என, தேர்வாணையம் அறிவித்துள்ளது.
துணை கலெக்டர் பணியிடம் – எட்டு, டி.எஸ்.பி., – நான்கு,
 வணிக வரித்துறையில், உதவிக் கமிஷனர் – ஏழு,
 மாவட்ட வேலை வாய்ப்பு அலுவலர் – ஐந்து,
மாவட்ட பதிவாளர் – ஒருவர் என,
25 பணியிடங்களை நிரப்ப, கடந்த, 30ம் தேதி, முதல்நிலைத் தேர்வு நடைபெறும் என, தேர்வாணையம் அறிவித்திருந்தது. பின், இம்மாதம், 27ம் தேதிக்கு, தேர்வை ஒத்தி வைத்தது.இந்நிலையில், தேர்வுக்கு, இம்மாதம், 7ம் தேதி வரை, தேர்வாணைய இணையதளத்தில் விண்ணப்பிக்கலாம்; தேர்வுக் கட்டணத்தை, 9ம் தேதி வரை செலுத்தலாம் என, தேர்வாணையம் அறிவித்துள்ளது.

நன்றி: தாளம்நியூஸ்

IAS தேர்வு விவரம் அறிய தனி இணையதளம்

        

      

 நன்றி : mpmpages

கல்வி உதவித்தொகை பெறுவது எப்படி?

தேர்வுகளில் நல்ல மதிப்பெண் பெற்று, உயர்கல்வி படிக்க இடம் கிடைத்துள்ள ஏழை மாணவர்களுக்கு கல்வி உதவித் தொகை வழங்கி உதவிக்கரம் நீட்டுகின்றன அரசு அமைப்புகள். தேவையும் தகுதியும் உள்ள மாணவர்கள் இந்த வாய்ப்பைப் பயன்படுத்தி கல்வி உதவித் தொகை பெறலாம். இந்த உதவித் தொகைகள் பற்றிய தகவல்கள் இதோ...!

முதல் தலைமுறை பட்டப் படிப்பு மாணவர்களுக்கு உதவித் தொகை

அரசு மற்றும் தனியார் பொறியியல் கல்லூரிகள், மருத்துவக் கல்லூரிகள், பல் மருத்துவக் கல்லூரிகள், கால்நடை மருத்துவக் கல்லூரிகள், வேளாண்மைக் கல்லூரிகள், சட்டக் கல்லூரிகளில் ஒற்றைச்சாளர முறை மாணவர் சேர்க்கை மூலம் அட்மிஷன் பெறும் முதல் தலைமுறை பட்டதாரி மாணவர்களுக்கான கல்விக் கட்டணத்தை தமிழக அரசே வழங்கி வருகிறது. இதுவரை பட்டதாரிகளே இல்லாத குடும்பங்களைச் சேர்ந்த மாணவர்கள் தொழில் கல்வி படிப்பதை ஊக்குவிக்கும் வகையில் சாதி வேறுபாடின்றி, பெற்றோரின் வருமானத்தைக் கணக்கில் கொள்ளாமலும் இந்த உதவித் தொகை வழங்கப்படுகிறது. 

ஒற்றைச்சாளர முறை மூலம் அரசு மற்றும் அரசு உதவி பெறும், தனியார் பொறியியல் கல்லூரிகளில் நேரடியாக இரண்டாம் ஆண்டில் சேரும் முதல் தலைமுறை பட்டதாரி மாணவர்களுக்கும் இந்தக் கல்விக் கட்டணச் சலுகை வழங்கப்படும் என்று தெரிவிக்கப்பட்டுள்ளது. அரசு, அரசு உதவி பெறும் கல்லூரிகளில் அரசால் நிர்ணயிக்கப்பட்ட கல்விக் கட்டணத்தையும் பல்கலைக்கழகங்கள் நடத்தும் படிப்புகளுக்கு பல்கலைக்கழகங்கள் நிர்ணயிக்கும் கட்டணத்தையும் தனியார் தொழிற் கல்லூரிகளில் கட்டண நிர்ணயம் செய்வதற்காக நிபுணர் குழு நிர்ணயித்துள்ள கட்டணத்தையும் அரசு வழங்கும். இச்சலுகை பெற தங்களது குடும்பத்தில் பட்டதாரிகளே இல்லை என்பதை உறுதி செய்யும் வகையில் மாணவர் வசிக்கும் பகுதியின் வருவாய்த் துறையின் தலைமையிடத்து துணை வட்டாட்சியர் தகுதிக்குக் குறையாத அலுவலரிடம் சான்றிதழ் பெற்று அளிக்க வேண்டும். மாணவர்கள் தொழிற்கல்வி மாணவர் சேர்க்கைக்கான விண்ணப்பங்களை சமர்ப்பிக்கும்போதே, குடும்பத்தில் முதன் முதலாக பட்டப் படிப்பு படிக்கும் மாணவர் என்ற சான்றிதழையும் அதற்கான உறுதிமொழிப் பத்திரத்தையும் அளிக்க வேண்டும்.

ஆதிதிராவிட மாணவர்களுக்கு கல்வி உதவித்தொகை...

கல்வி நிறுவனங்களில் படிக்கும் ஆதிதிராவிடர், பழங்குடியினர் மற்றும் கிறிஸ்துவ மதம் மாறிய ஆதிதிராவிட மாணவர்களுக்கு கல்வி உதவித்தொகையை வழங்குகிறது ஆதிதிராவிடர் மற்றும் பழங்குடியினர் நல அலுவலகம். இந்த மாணவர்களின் பெற்றோரின் ஆண்டு வருமானம் ரூ.2 லட்சத்துக்குள் இருக்கவேண்டும். கல்வி நிலையத்துடன் இணைந்த விடுதிகளில் தங்கி பட்ட மேற்படிப்பு, மருத்துவம், பொறியியல் பட்டப்படிப்பு மற்றும் தொழில்நுட்பக் கல்வி பயிலும் மாணவர்களுக்கு சிறப்பு உயர் கல்வித் தொகை வழங்கப்படும். இந்தக் கல்வி உதவித்தொகையைப் பெற விரும்பும் மாணவர்கள் தாங்கள் படிக்கும் கல்வி நிறுவனத்தின் மூலமாக அந்தந்த மாவட்ட ஆதிதிராவிடர் மற்றும் பழங்குடியினர் நல அலுவலகத்தின் மூலமாக விண்ணப்பிக்க வேண்டும். மேலும் விவரங்களுக்கு சென்னையிலுள்ள ஆதிதிராவிடர் நல ஆணைய அலுவலத்தை அணுகலாம்.

தொலைபேசி எண்: 044-28594780

சிறுபான்மை மாணவர்களுக்கு கல்வி உதவித் தொகை

பள்ளிகளில் பிளஸ் ஒன், பிளஸ் டூ, ஐடிஐ, பாலிடெக்னிக்,. நர்சிங் டிப்ளமோ ஆசிரியர் பயிற்சி டிப்ளமோ, இளநிலைப் பட்டப் படிப்பு, முதுநிலைப் பட்டப் படிப்பு, எம்பில், பிஎச்டி படிக்கும் சிறுபான்மையினத்தைச் சேர்ந்த மாணவர்களுக்கு (முஸ்லிம்கள், கிறிஸ்துவர்கள், சீக்கியர்கள், புத்த மதத்தினர், பார்சிக்கள்) மத்திய அரசின் சிறுபான்மையின அமைச்சகம் போஸ்ட் மெட்ரிக் ஸ்காலர்ஷிப் திட்டத்தின்

சிறுபான்மையின மாணவ, மாணவிகளுக்கு கல்வி உதவி

அரசு உதவிபெறும் மற்றும் அரசால் அங்கீகரிக்கப்பட்ட கல்வி நிலையங்களில் 1-ஆம் வகுப்பு முதல் 10-ஆம் வகுப்பு வரை பயிலும் கிறிஸ்தவர், இஸ்லாமியர், புத்தமதத்தினர், சீக்கீயர் மற்றும் பார்சி வகுப்பைச்சேர்ந்த சிறுபான்மையின மாணவ, மாணவிகளுக்கு பள்ளிப்படிப்பு உதவித்தொகை திட்டத்தின் கீழ் 2012-13 ஆம் ஆண்டிற்கு கல்வி உதவித்தொகை பெற விண்ணப்பங்கள் வரவேற்கப்படுகின்றன.

இந்த திட்டத்தின் கீழ் கல்வி உதவித்தொகை பெற மாணவ, மாணவிகளின் பெற்றோர், பாதுகாவலரின் ஆண்டு வருமானம் ரூபாய் ஒரு இலட்சத்துக்கு மிகாமல் இருத்தல் வேண்டும். மாணவ, மாணவிகள் இந்த ஆண்டின் இறுதித் தேர்வில் [1 ஆம் வகுப்பு நீங்கலாக] 50 விழுக்காடு மதிப்பெண்களுக்கு குறையாமல் பெற்று தேர்ச்சி அடைந்திருக்க வேண்டும். பிற்படுத்தப்பட்டோர் நலத்துறை, ஆதிதிராவிடர் நலத்துறை மற்றும் இதர துறைகள், நல வாரியங்கள் மூலம் 2012-13 ம் ஆண்டில் கல்வி உதவித்தொகை பெறுதல் கூடாது. குடும்பத்தில் அதிகபட்சம் 2 பேருக்கு மட்டும் கல்வி உதவித்தொகை வழங்கப்படும். குறைந்த வருமானம் பெறும் குடும்பத்தில் உள்ள மாணவ மாணவியருக்கு முன்னுரிமை அளிக்கப்படும்.

ஜிப்மரில், ஒன்பது புதிய மருத்துவ சிறப்பு படிப்புகள்

புதுச்சேரி ஜிப்மரில், ஒன்பது புதிய மருத்துவ சிறப்பு படிப்புகள், இந்தாண்டு அறிமுகப்படுத்தப்பட்டு உள்ளது.

ஜிப்மரில் எம்.பி.பி.எஸ்., இடங்கள், இந்தாண்டு, 75லிருந்து 145 ஆக அதிகரிக்கப்பட்டுள்ளன. இந்த அதிகரிப்பால், 20 இடங்கள் ஒதுக்கப்பட்டிருந்த புதுச்சேரிக்கு, தற்போது, 40 இடங்கள் கிடைத்துள்ளன. இதேபோல் முதுநிலை மருத்துவ படிப்பு இடங்கள், 88லிருந்து 124 ஆக உயர்த்தப்பட்டுள்ளன.

டி.எம்., நெப்ரோலஜி, டி.எம்., மெடிக்கல் ஆங்காலஜி, எம்.சி.எச்., பிளாஸ்டிக் சர்ஜரி, எம்.சி.எச்., குழந்தை மருத்துவ அறுவை சிகிச்சை, இதயம் மற்றும் நரம்பு உணர்வு அகற்றியல், எம்.எஸ்.சி., எம்.எல்.டி., எம்.எஸ்.சி., மெடிக்கல் சைகாலஜி உட்பட, ஒன்பது புதிய மருத்துவ சிறப்பு படிப்புகள் அறிமுகப்படுத்தப்பட்டுள்ளன.

படிப்பு கால ஆராய்ச்சி நிதியாக, 20011-12 ஆண்டில், இளநிலை மருத்துவ மாணவர்களுக்கு, 33.67 லட்சமும், முதுநிலை மருத்துவர்களுக்கு, 52.61 லட்சமும் ஒதுக்கப்பட்டது. இந்தாண்டு, இத்திட்டத்திற்கான தொகை, 3.25 கோடி ரூபாயாக ஒதுக்கிடப்பட்டுள்ளது.

நன்றி : Thaalamnews

TVS கார்கோ நிறுவனத்திற்கு ஆட்கள் தேவை

ஏகஇறைவனின் திருப்பெயரால்....

தற்போது சவுதி அரேபியாவில் வளர்ந்து வரும் கார்கோ நிறுவனங்களில் TVS கார்கோ நிறுவனமும் ஒன்று. இது குவைத், கத்தாரில் கடந்தப் பத்து ஆண்டுகளாக மக்களின் நன்மதிப்பைப் பெற்ற நிறுவனம் என்பது குறிப்பிடத் தக்கது.இன்னும் சவுதி அரேபியாவில் பல பகுதிகளிலும்; ஏராளமான கிளைகள் திறக்கப்பட இருப்பதால் இதற்கு அதிகமான ஆட்கள் தேவைப்படுகின்றனர்.தகுதிக்கேற்ப சம்பளம், தங்குமிட வசதி, இக்காமா புதுப்பிக்கும் செலவுகள், விடுமுறையில் தாயகம் சென்று திரும்புவதற்கான பயண டிக்கெட் இன்னும்  சவுதி அரேபியாவின் லேபர்  லா பிரகாரம் அனைத்து சலுகைகளும் வழங்கப்படும்.
                                                
நிபந்தனைகள்:
பட்டதாரிகள், 12th,  10th ,  பாஸ் செய்தவர்களும் அப்ளை செய்யலாம். பட்டதாரி அல்லாத ஓரளவு கணினியை இயக்கத் தெரிந்தவர்களும், ஓரளவு ஆங்கிலம் பேச எழுதத் தெரிந்தவர்களும் கூட அப்ளை செய்யலாம். ட்ரைவர்கள் லேபர்களும் அப்ளை செய்யலாம்.   

தொடர்பு கொள்ள வேண்டிய முகவரி

S.BARAKKATH ALI
TVS CARGO- BURAIDA-KSA
06  32 46741
(+966)055 44 46741
barakkatha@yahoo.com

நன்றி : அதிரைஃபாரூக்

பி‌எஸ்‌என்‌எல் (BSNL) வழங்கும் வேலைவாய்ப்பு பயிற்சி!

இதுவரை ஆயிரக்கணக்கான மாணவர்களை செல்போன் சர்வீஸ் இன்ஜினியரிங்ளாக மாற்றி அவர்களுக்கு வேலைவாய்ப்பும் தொழில் வாய்ப்பும் அளித்து வரும் ஐ‌எல்‌எஸ் பயிற்சி மையம் தற்போது நாட்டின் மிகப் பெரிய அரசு தொலைத்தொடர்பு நிறுவனமான பி‌எஸ்‌என்‌எல் உடன் கூட்டிணைந்து செல்போன் இன்ஜினியரிங் பயிற்சியை வழங்குகிறது.

ஜி‌எஸ்‌எம் மொபைல் ஆர் எஃப் இன்ஜினியரிங் என்ற பி‌எஸ்‌என்‌எல் சான்றளிக்கப்படும் இந்தப் பயிற்சி சென்னை இல் இயங்கும் பி‌எஸ்‌என்‌எல் டெலிகாம் பயிற்சி மையத்தில் அளிக்கப் படுகிறது.

ஐந்து வாரங்கள் நடக்கும் இந்த பயிற்சியில் முதல் நான்கு வாரங்கள் புத்தக வடிவ பயிற்சி மற்றும் சென்னை பி‌எஸ்‌என்‌எல் பயிற்சி மையத்தில் நேரடி செயல்முறை பயிற்சி ஆகியவை நடத்தப்படும்.

கடைசி வாரம் தமிழ்நாடு தொலைத்தொடர்பு மண்டலத்தின் மாவட்ட தலைமையகத்தில் செயல்முறை பயிற்சி அளிக்கப் படும்.இந்த ஜி‌எஸ்‌எம்

விமானபடைக்கு ஆட்கள் தேர்வு

இந்திய விமான படையின் தொழில்நுட்பம் மற்றும் தொழில்நுட்பம் அல்லாத பணிகளுக்கு ஆட்கள் தேர்வு செய்கிறார்கள். இதற்கான தேர்வு முகாம் தஞ்சாவூரில் 12 ஆம் தேதி முதல் 14- ஆம் தேதி வரை நடைபெறுகிறது.

இதுகுறித்து தமிழக அரசு நேற்று வெளியிட்ட செய்திக்குறிப்பில் கூறப்பட்டு இருப்பதாவது:-

விமானப்படையின் தொழில்நுட்ப பிரிவுகளுக்கும், தொழில்நுட்பம் அல்லாத பிரிவுகளுக்கும் ஆட்களை தேர்வு செய்வதற்கான முகாம் தஞ்சாவூர் அன்னை சத்யா ஸ்டேடியத்தில் 12- ஆம் தேதி தொடங்கி 14- ஆம் தேதி வரை நடைபெற உள்ளது.

இந்த முகாமில், தமிழ்நாடு, புதுவை, அந்தமான் நிக்கோபார் பகுதிகளைச் சேர்ந்தவர்கள் கலந்துகொள்ளலாம். 1.1.1991 முதல் 31.3.1995-க்குள் பிறந்தவராக இருக்க வேண்டும். திருமணம் ஆகியிருக்கக் கூடாது.

தொழில்நுட்ப பணிகளைப் பொறுத்தமட்டில், பிளஸ்-2 முதல் குரூப் (கணிதம், அறிவியல் பாடங்கள்) அல்லது டிப்ளமோ பொறியியல் (மெக்கானிக்கல், எலெக்ட்ரிக்கல், எலெக்ட்ரானிக்ஸ், ஆட்டோமொபைல், கம்ப்யூட்டர் சயின்ஸ், இன்ஸ்ட்ருமென்டேஷன், அய்.டி.) முடித்திருக்க வேண்டும். குறைந்தபட்சம் 50 சதவிகித மதிப்பெண் அவசியம்.

தொழில்நுட்பம் அல்லாத பிரிவுகளுக்கு பிளஸ்-2 கலை அறிவியல் அல்லது வணிகவியல் அல்லது அறிவியல் எது வேண்டுமானாலும் படித்திருக்கலாம். அல்லது பாலிடெக்னிக்கில் ஏதாவது ஒரு பொறியியல் படிப்பில் டிப்ளமோ பெற்றிருக்க வேண்டும்.

தேர்வுமுகாம் நடக்கும் நாட்களில் காலை 6 முதல் 10 மணிக்குள் வந்துவிட வேண்டும். அசல் கல்விச்சான்றிதழ்கள், பாஸ்போர்ட் அளவுள்ள 8 புகைப்படங்கள், எழுதுபொருள்கள் ஆகியவற்றை தவறாமல் கொண்டுவர வேண்டும்.

இதுதொடர்பான கூடுதல் விவரங்கள் அறிய 044-22390561 என்ற தொலைபேசி எண்ணிலோ, 94452-99128 என்ற செல்போன் எண்ணிலோ தொடர்பு கொள்ளலாம். இந்திய விமானப்படையின் இணையதளத்திலும்  விவரங்களை அறியலாம்.

நன்றி : sangaionline

மருத்துவ படிப்பிற்கான AIPMT தேர்வுகள்

அகில இந்திய பொது மருத்துவ நுழைவுத் தேர்வு நடத்தும் முயற்சியை மத்திய அரசு இந்த ஆண்டு நிறுத்தி வைத்து உள்ளது. இதையடுத்து ஆந்திரா, காஷ்மீர் தவிர்த்து உள்ள மற்ற அனைத்து மாநிலங்களிலும் உள்ள மருத்துவக் கல்லூரிகளில் இளநிலைப் பட்டப் படிப்புகளில் 15 சதவீத இடங்களை நிரப்புவதற்காக அனைத்திந்திய மருத்துவ / பல்மருத்துவ நுழைவுத் தேர்வு (ஏ.ஐ.பி.எம்.டி.)  நடைபெறும் தேதி  தற்போது  அறிவிக்கப் பட்டுள்ளது.

இந்த ஆண்டு (2012) முதல் நாடு முழுவதும் இளநிலை மருத்துவப் படிப்புக்கு, இனி பொது நுழைவுத் தேர்வு மூலம் மட்டுமே மாணவர்கள் தேர்வு செய்யப்படுவார்கள் என்று மத்திய அரசு அறிவித்திருந்தது. இந்த அறிவிப்புக்கு தமிழக அரசு உள்பட பல்வேறு மாநில அரசுகள் கடும் எதிர்ப்பு தெரிவித்திருந்தன.மத்திய அரசின் பொது நுழைவுத்தேர்வு 
அமுல்படுத்தப்பட்டால் கிரமாமப்புறமாணவர்கள் பாதிக்கபடுவார்கள் என தமிழக அரசின் சார்பாக தெரிவிக்கப்பட்டு இருந்தது. இதையடுத்து 2012நடத்துவதாக இருந்த பொது மருத்துவ நுழைவுத் தேர்வை 2013 கல்வி ஆண்டிலிருந்து நடத்தப்போவதாக மத்திய அரசு அறிவித்துள்ளது.

ஏப்ரல் மாதம் 4ம் தேதி எஸ்.எஸ்.எல்.சி. தேர்வுகள்

சென்னை: வரும் ஏப்ரல் மாதம் 4ம் தேதி எஸ்.எஸ்.எல்.சி. தேர்வுகள் துவங்குகிறது என்று பள்ளிக்கல்வி தேர்வுத் துறை அறிவித்துள்ளது.

நடப்பு கல்வியாண்டில் அனைத்துப் பள்ளிகளிலும் சமச்சீர் கல்வி அமல்படுத்துவதில் ஏற்பட்ட குளறுபடிகளால் எஸ்.எஸ்.எல்.சி. தேர்வுகள் தாமதமாக துவங்கும் என்று அறிவிக்கப்பட்டிருந்தது. பாடங்கள் முழுமையாக நடத்தப்படாதது தான் அதற்கு காரணம். வழக்கமாக எஸ்.எஸ்.எல்.சி. பொதுத் தேர்வு மார்ச் மாத இறுதியில் துவங்கும். ஆனால் இந்த ஆண்டு தாமதமாக ஏப்ரல் மாதம் 4ம் தேதி துவங்குகிறது

தேர்வு அட்டவணை விவரம் வருமாறு,

4-4-12 : தமிழ் முதல் தாள்
9-4-12: தமிழ் இரண்டாம் தாள்
11-4-12: ஆங்கிலம் முதல் தாள்
12-4-12: ஆங்கிலம் இரண்டாம் தாள்
16-4-12: கணிதம்
19-4-12: அறிவியல்
23-4-12: சமூக அறிவியல்

இந்த ஆண்டு சுமார் 11 லட்சம் மாணவ, மாணவியர் சமச்சீர் பாடத்திட்டத்தின்படி எஸ்.எஸ்.எல்.சி. தேர்வு எழுதுகின்றனர் என்பது குறிப்பிடத்தக்கது.

நன்றி : ஒன்இந்தியா(thatstamil)

 

 

பிளஸ்-2 தேர்வுகள் மார்ச் 8-ந் தேதி தொடக்கம்:தேர்வுத்துறை அறிவிப்பு

சென்னை,டிச.15-

 

பிளஸ்-2 தேர்வுகள்  மார்ச் 8-ந் தேதி தொடங்குவதாக தேர்வுத்துறை அறிவித்துள்ளது. தேர்வு கால அட்டவணை பின்வருமாறு:-

 

மார்ச்-8-மொழித்தாள் ஒன்று.

 

மார்ச்-9-மொழித்தாள் இரண்டு.

 

மார்ச்-12-ஆங்கிலம் முதல் தாள்.

 

மார்ச்-13-ஆங்கிலம் இரண்டாம் தாள்.

 

மார்ச்-16-  இயற்பியல்,பொருளியல்,உளவியல்.

 

மார்ச்-19-கணிதம்,விலங்கியல்,நுண்ணுயிரியல்.நியூட்ரிசியன்.

 

மார்ச்-20-வணிகவியல்,புவியியல்,மனையியல்.

 

மார்ச்-22- வேதியியல்,கணக்குப்பதிவியல்,சுருக்கெழுத்து.

 

மார்ச்-26- உயிரியியல்,வரலாறு,தாவரவியல்,அடிப்படை அறிவியல்,வணிகக் கணிதம்.

 

மார்ச்-28- கணினி அறிவியல்,உயிரி வேதியியல்,இந்திய கலாச்சாரம், தொடர்பு ஆங்கிலம், தட்டச்சு,சிறப்பு மொழி.

 

மார்ச்-30- தொழில்கல்வி தியரி, அரசியல் மற்றும் அறிவியல் தேர்வுகள், நர்சிங், மற்றும் புள்ளியியல்.

 

நன்றி : மாலைமலர்

 

அடுத்த கல்வியாண்டில் இருந்து முப்பருவ கல்வித் திட்டம் அமல்

தமிழகத்தில் உள்ள அனைத்துப் பள்ளிகளிலும், அடுத்த கல்வியாண்டு முதல், ஒன்று முதல் எட்டாம் வகுப்பு வரை, முப்பருவ கல்வி திட்டத்தை அமல்படுத்த, நேற்று அரசாணை வெளியிடப்பட்டது.

நடைமுறையில் உள்ள தேர்வு முறையால் மாணவர்களுக்கு ஏற்படும் மன அழுத்தத்தை தருவதை தவிர்க்கவும், உடலியல் ரீதியாக ஏற்படும் பாதிப்புகளை தவிர்க்கவும், புதிய முறையிலான தேர்வு திட்டம் மற்றும் கல்வித் திட்டத்தை, கடந்த ஆக., 26ம் தேதி, சட்டசபையில் முதல்வர் ஜெயலலிதா அறிவித்தார்.

அதன் படி, "பாடப் புத்தகங்கள், மூன்று பகுதிகளாக பிரிக்கப் பட்டு, மூன்று பருவங்களாக தனித்தனியே கற்பிக்கப்படும்; ஒவ்வொரு பருவத்தின் முடிவிலும் மாணவர்களின் கற்றல் செயல்பாடுகளை, தொடர் மதிப்பீட்டு முறை மூலம் மதிப்பீடு செய்யப்படும்,' என, அறிவித்து இருந்தார். மேலும், புதிய முறையில் மாணவர்களின் இதர திறன்களை வெளிப்படுத்தும் வகையில் இருக்கும் என்றும் தெரிவித்து இருந்தார்.
செயல் வடிவம் : இந்த அறிவிப்பிற்கு செயல் வடிவம் கொடுக்கும் வகையில், பள்ளிக்கல்வித் துறை செயலர் ஸ்ரீதர், நேற்று அரசாணை வெளியிட்டுள்ளார். அரசாணையில், செயலர் கூறியிருப்பதாவது: சட்டசபையில், முதல்வர் வெளியிட்ட அறிவிப்பைத் தொடர்ந்து, அடுத்த கல்வியாண்டில் (2012-13) இருந்து, 1ம் வகுப்பு முதல், 8ம் வகுப்பு வரை, முப்பருவ கல்வி முறையை அமல்படுத்தலாம் என்று, பள்ளிக்கல்விக்கான மாநில பொது வாரிய கூட்டத்தில் முடிவு எடுக்கப்பட்டதாக, பள்ளிக்கல்வி இயக்குனர் தெரிவித்துள்ளார். இந்த முடிவை அமல்படுத்துவதற்காக, இயக்குனர் அனுப்பியுள்ள பரிந்துரையை அரசு பரிசீலனை செய்து, வாரியத்தின் முடிவை அமல்படுத்த அரசு உத்தரவிடுகிறது.
முப்பருவ முறையால், வகுப்பறையில் மாணவர்கள் அதிகம் கற்பதற்கான நேரம் கிடைக்கும். புத்தகங்களில் படிப்பதை, செயல்பூர்வமாக, நேரடியாக சம்பந்தபட்ட இடங்களுக்குச் சென்று பார்வையிடும் திட்டம், மாணவர்களுக்கு பெரிதும் பயனளிக்கும். மனப்பாடத்திற்கு அப்பாற்பட்டு, கல்வி சார்ந்த புரிதல்களுக்கு இத்திட்டம் மிகவும் உதவியாக இருக்கும்.
ஒவ்வொரு வகுப்பிலும், மாணவர்கள் கலந்துரையாடல் செய்வதற்காக, போதிய நேரம் ஒதுக்கீடு செய்யப்படும். மாணவர்களின் செயல் திறன்களின் வளர்ச்சி, அவ்வப்போது மதிப்பீடு செய்யப்படும்.

ஒரு பருவத்திற்கான சிறிய பகுதிகளை மட்டும் ஆசிரியர்கள், பொறுமையாக கற்பிக்கலாம். ஆசிரியர்கள் - மாணவர்கள் ஒருங்கிணைந்து, நண்பர்கள் போன்று வகுப்பறைகளில் செயல்படவும் வகுக்கும்.
முப்பருவ கல்வி திட்டம் மற்றும் தொடர் மதிப்பீட்டு தேர்வு முறை, 2013-14ம் கல்வியாண்டு முதல், 9,10 வகுப்புகளுக்கும் விரிவுபடுத்தப்படும். இவ்வாறு பள்ளிக்கல்வித் துறை செயலர் ஸ்ரீதர் தெரிவித்துள்ளார்.
முப்பருவமுறை

* முதல் பருவம் - ஜூன் முதல் செப்டம்பர் வரை
* இரண்டாம் பருவம் - அக்டோபர் முதல் டிசம்பர் வரை
* மூன்றாம் பருவம் - ஜனவரி முதல் ஏப்ரல் வரை

நன்றி : அமானுஷ்யம்

2012ம் காலாண்டில் கட்டமைப்பு, தகவல் தொழில்நுட்பத்துறைகளில் வேலை வாய்ப்பு உயரும்

2012ம் காலாண்டில் கட்டமைப்பு, தகவல் தொழில்நுட்பத்துறைகளில் ஏராளமான வேலை வாய்ப்புகள் உருவாகும் என்று ஆய்வு தெரிவிக்கிறது. வேலை வாய்ப்புகளை பெற்றுத் தரும் இணையதள நிறுவனம் ஒன்று மேற்கொண்ட ஆய்வின் முடிவில் இத்தகவல் வெளியாகியுள்ளது.வேலை வாய்ப்பு பெறுவதில் 29 விழுக்காடு அளவிற்கு ஜனவரி முதல் மார்ச் வரை கணிசமான உயர்வு ஏற்படும். இந்த உயர்வு அடுத்தடுத்த காலாண்டுகளில் 11 விழுக்காடு அளவிற்கு தொடரும் என்றும் ஆய்வில் கூறப்பட்டுள்ளது.

இந்தியாவின் வேலை வாய்ப்புச் சந்தையில், ஒருவர் பல்வேறு பணி வாய்ப்புகளைப் பெற்று அதில் சிறந்ததை தேர்வு செய்யும் வகையில் புதிதா நிறுவனங்களும், மிகப் பெரிய நிறுவனங்களில் பல புதிய பதவிகளும் உருவாக உள்ளன.வரும் 2012ம் ஆண்டில் தங்கள் நிறுவனத்திற்கு குறிப்பிடத்தக்க எண்ணிக்கையிலான பணியாளர்களை நியமிக்க திட்டமிட்டுள்ளன. இதில் கட்டமைப்பு நிறுவனங்கள் முன்னிலையில் உள்ளன. தகவல் தொழில்நுட்ப நிறுவனங்களும் தங்களது ஊழியர்களின் எண்ணிக்கையை உயர்த்த திட்டமிட்டுள்ளன என்று ஆய்வு தெரிவிக்கிறது.2012ம் ஆண்டு இளைஞர்களுக்கு ஒரு பொற்காலமாக இருக்கும் என்று இந்த ஆய்வின் மூலம் எதிர்பார்க்கப்படுகிறது

 

நன்றி: தாளம்நியூஸ்

இ.எஸ்.ஐ.சி.,யில் மருத்துவ அதிகாரி பணியிடங்கள்

இ.எஸ்.ஐ.சி., எனப்படும் எம்ப்ளாயீஸ் ஸ்டேட் இன்ஸ்யூரன்ஸ் கார்ப்பரேஷன் அரசுத்துறை சார்ந்த காப்பீடு மருத்துவ நிறுவனமாகும். இந்த நிறுவனத்தின் புதுடில்லி மற்றும் நொய்டா, குர்கான் மற்றும் மனேசர், கேரளா ஆகிய மையங்களில் 227 மருத்துவ அதிகாரிகளைப் பணி நியமனம் செய்வதற்கான அறிவிப்பு வெளியாகியுள்ளது.

தேவைகள்:
இ.எஸ்.ஐ.சி., நிறுவனத்தின் மருத்துவ அதிகாரிப் பதவிக்கு விண்ணப்பிக்க விரும்புபவர்கள் 12.12.2011 அன்று 30 வயதுக்கு உட்பட்டவராக இருக்க வேண்டும். மருத்துவக் கவுன்சிலின் சட்ட விதிகளுக்குட்பட்ட மருத்துவப் பட்டப்படிப்பை இவர்கள் முடித்திருக்க வேண்டும். முழுமையான விபரங்களுக்கு இணையதளத்தைப் பார்க்கவும்.

இதர விபரங்கள்:
எம்ப்ளாயீஸ் ஸ்டேட் இன்ஸ்யூரன்ஸ் கார்ப்பரேஷனின் மருத்துவ அதிகாரிப் பதவிக்கு விண்ணப்பிக்க ரூ.225/க்கான டி.டி.,யை E.S.I., Fund Account No.1 என்ற பெயரில் ஏதாவது ஒரு ஷெட்யூல்டு வங்கியில் புது டில்லியில் மாற்றத்தக்கதாக எடுக்க வேண்டும்.

இந்த டி.டி., எடுக்கும் போது கம்ப்யூட்டரில் இருந்து எடுக்கப்பட்ட பிரின்ட் அவுட்டுடன் கொடுக்க வேண்டும். விண்ணப்பங்களை ஆன்லைன் முறையிலேயே விண்ணப்பிக்க வேண்டும். இதன் பின்னர் கிடைக்கும் பிரின்ட் அவுட்டுடன் கல்வி மற்றும் வயதுக்கான ஆவணங்களின் நகல்களுடன் விண்ணப்பிக்க வேண்டும்.

விண்ணப்பிக்கும் கவரின் மீது தவறாமல் Application for the Post of Insurance Medical Officer Grade & II in ESI Hospitals in_____ என்று குறிப்பிட வேண்டும். முழுமையான இணைப்புகளுடன் கூடிய விண்ணப்பங்களைப் பின்வரும் முகவரிக்கு 12/12/2011க்குள் கிடைக்குமாறு அனுப்ப வேண்டும்.

முகவரி:
Post Bag No.29,
Okhla Industrial Estate Post Office,
New Delhi - 110 020.

முழுமையான தகவல்களைப் பெற www.esic.nic.in/recruitment.htm இணையதளத்தைப் பார்க்கவும்.

ஆன்லைனில் பதிவு செய்ய இறுதி நாள்: 30.11.2011
விண்ணப்பங்கள் சென்றடைய இறுதி நாள்: 12.12.2011

நன்றி : தாளம்நியூஸ்

தபால் நிலையங்களில் வி.ஐ.டி. பிடெக் நுழைவுத்தேர்வு விண்ணப்பம் விற்பனை: வேந்தர் விசுவநாதன் தொடங்கிவைத்தார்

வி.ஐ.டி. பல்கலைக்கழகத்தில் பி.டெக். பொறியியல் பட்டப்படிப்பில் சேருவதற்கான நுழைவுத் தேர்வு அடுத்த ஆண்டு ஏப்ரல் மாதம் 21-ந் தேதி நடைபெறுகிறது இந்நுழைவு தேர்வில் பங்கேற்பதற்கான விண்ணப்பங்கள் தபால் நிலையங்கள் மூலம் விற்பனை செய்யப்படுகிறது. விண்ணப்பங்கள் விற்பனையை வேலூர் தலைமை தபால் நிலையத்தில் வி.ஐ.டி. வேந்தர் விசுவநாதன் தொடங்கிவைத்தார்.

இந்நிகழ்ச்சியில் வி.ஐ.டி. துணைத்தலைவர்கள் சங்கர் விசுவநாதன். ஜிவி. சம்பத், சேகர் விசுவநாதன், வேலூர் கோட்ட அஞ்சல் முதுநிலை கண்காணிப்பாளர் சந்தானராமன் தலைமை தபால் நிலைய முதுநிலை அஞ்சல் அலுவலர் ஏ.என். பிரகாசம், உதவி கண்காணிப்பாளர் எஸ்.செல்வகுமார், வி.ஐ.டி. சேர்க்கை அலுவலர் முனைவர் ஜேம்ஸ் ஜெபசீலன் சாமுவேல் ஆகியோர் பங்கேற்றனர். 

வி.ஐ.டி. பல்கலைக் கழகத்தில் பி.டெக். பயோ டெக்னாலஜி பயோ இண்பர்மேடிக்ஸ், பயோ மெடிக்கல். சிவில் மெக்கானிக்கல், கணிணி அறிவியல் எலக்ரானிக்ஸ் அண்டு கம்யூனிகேசன். இன்பர்மேஷன் டெக்னாலஜி, உள்ளிட்ட 13 பொறியியல் பட்டப் படிப்புகளில் (2012-13)ம் கல்வியாண்டில் சேருவதற்கும்.

வி.ஐ.டி சென்னை வளாகத்தில் சிவில், மெக்கானிக்கல், எலக்ட்ரிக்கல், எலக்ட்ரானிக்ஸ் அண்டு கம்யூனிகேசன், கம்ப்யூட்டர் சயின்ஸ் ஆகிய 5 பி.டெக் பொறியியல் பட்டப்படிப்புகளில் சேருவதற்கான நுழைவுத்தேர்வு அடுத்தாண்டு ஏப்ரல் மாதம் 21-ந் தேதி பிற்பகல் 2.30 முதல் 5 மணி வரை நடைபெறுகிறது.   நுழைவு தேர்வுக்கான விண்ணப்பங்கள் நாட்டில் உள்ள முக்கிய நகரங்களில் உள்ள 248 தபால் நலையங்கள் மூலம் விற்பனை செய்யப்படுகிறது.

நுழைவுத் தேர்வில் பங்கேற்க விரும்பும் மாணவ, மாணவியர் ரூ. 950 செலுத்தி பெற்றுக்கொள்ளலாம். அல்லது ரூ. 950க்கு வி.ஐ.டி. யுனிவர்சிட்டி - வேலூர் என்ற பெயரில் கேட்பு வரைவோலை டிமாண்டு டிராப்ட் மூலம் வி.ஐ.டி. பல்கலைக்கழகத்தில் பெறலாம்.

வி.ஐ.டி சென்னை வளாகத்திலும் சென்னை அண்ணாநகரில் உள்ள வி.ஐ.டி. பல்கலைக்கழகத்தில் பெற்றுக் கொள்ளலாம். நுழைவுத் தேர்வுக்கான விண்ணப்பம் செய்ய அடுத்த ஆண்டு பிப்ரவரி மாதம் 29-ந்தேதி கடைசி நாளாகும்.

நன்றி : மாலைமலர்

அரசு மற்றும் உதவி பெறும் பி.எட். கல்லூரிகளில் சேர 4-ந் தேதி விண்ணப்பம்: 22 ஆயிரம் இடங்களுக்கு கவுன்சிலிங்

தமிழ்நாட்டில் அரசு பி.எட் கல்லூரிகளும் 14 அரசு உதவி பெறும் பி.எட். கல்லூரிகளும், செயல்பட்டு வருகின்றன. இந்த கல்லூரிகளில் சுமார் 22 ஆயிரம் பி.எட் இடங்கள் உள்ளன. இவற்றை கலந்தாய்வு மூலம் ஆண்டு தோறும் நிரப்பப்படுகிறது.

 

2011-12-ம் ஆண்டிற்கான மாணவ-மாணவிகள் சேர்க்கைக்கான விண்ணப்பம் வினியோகிக்கப்படுகிறது.   வருகிற 4-ந் தேதி முதல் 13-ந் தேதி வரை காலை 10 மணி முதல் மாலை 3 மணி வரை சனி, ஞாயிறு உட்பட அனைத்து நாட்களிலும் விண்ணப்பம் வழங்கப்படுகிறது.

 

விண்ணப்பத்தின் விலை ரூ.300. தாழ்த்தப்பட்ட, பழங்குடி மாணவர்களுக்கு ரூ.175 ஆகும். விண்ணப்பம் நேரில் மட்டுமே வழங்கப்படும். பணமாகவோ, டிராப்ட் ஆகவோ அளிக்கலாம்.